Ljóarin 25. januar 2023

25-01-2023

Vit tosa við Hansinu Iversen um eitt nú hennara komandi serframsýning, og saman við Alberti Isfeld ummæla vit Fuglafjarðar skúla úr arkitektoniska sjónarhorninum

Fýra av kendastu myndlistafólkunum í landinum - Tróndur Patursson, Rannvá Kunoy, Hansina Iversen og Hanni Bjartalíð hava í hesum døgum felagsframsýning í Steinprenti.
Vit tosa við Hansinu Iversen, listakvinnu, sum hevur kuraterað framsýningina, og vit spyrja millum annað, hvat hon leggur dent á, tá ið hon skipar eina framsýning saman við verkum hjá ymiskum listafólkum. Eisini skifta vit orð við Hansinu um hennara komandi serframsýning.
Fleiri nýggir skúlar eru bygdir um landið, og ein teirra er Skúlin og Ítróttarhøllin í Fuglafirði, sum MAP-Arkitektar hava teknað, og saman við Alberti Isfeld, arkitekti, hava vit vitjað nýggja skúlin. Eisini skifta vit orð við Rønn Eliasen, mentanarleiðara í Fuglafjarðar kommunu, Berlys Toftadal, skúlastjóra, og Heidi Poulsen og Rúna Abrahamsen frá MAP-Arkitektum, sum hava teknað nýggja skúlan.
Tú kanst hoyra sendingina her!

Ljóarin

Ljóarin er seinnapartssending, sum varpar ljóð á mentan og samfelag. Ljóarin er ljósopið í takinum á roykstovuni. Ljóarin er eisini nýggj seinnapartssending í útvarpinum, sum varpar ljóð á mentanina og tað samfelagið, vit liva í. Týsdag seta vit ávíst evni á skrá, har rák og hendingar í samfelagnum verða lýst. Hósdagar varpa vit ljóð á mentanina burturav. Tá lýsa vit mentan og list í breiðum týdning, og vit viðgera eitt nú bókmentir, leiklist, myndlist og byggilist. Redaktión: Lív Mikkelsen, Gunnar Nolsøe, Leif Láadal og Ingi Rasmussen. Redaktørur: Ingi Rasmussen.