VIDEO: Óvissa um orsøk til ferðsluvanlukku

VIDEO: Óvissa um orsøk til ferðsluvanlukku
Enn er ikki heilt greitt, hvør orsøkin til eina ferðsluvanlukku í Oyndarfirði í morgun var, tá ein 22 ára gamal maður lat lív. Ein annar maður er saknaður
0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 
28.12.2013 - 19:28

Eingi vitni eru til eina ferðsluvanlukku, sum varð fráboðað politistøðini í Havn klokkan 9:52 leygarmorgunin. Tískil er heldur enn ikki heilt greitt, hvør tann neyva orsøkin til vanlukkuna er.

Løgreglan heldur, at høg ferð á bilinum, sum fór á sjógv við Rættargjógv umleið hálvan kilometur áðrenn komið verður til Oyndarfjarðar, kann vera ein av orsøkunum til ferðsluvanlukkuna.

- Tað er eingin ivi um, at tað hevur verið nakað av ferð á bilinum fyri at kunna fara so langt eftir bønum, sigur Jan Fossaberg frá ferðslupolitiinum, sum var á vanlukkustaðnum leygardagin.

SÍ EISINI Ferðsluvanlukka í Oyndarfirði kravt eitt mannalív

Ein 22 ára gamal maður varð funnin deyður á sjónum, har bilurin er farin útav vegnum. Allan leygardagin hava bjargingarlið, froskmenn og bjargingartyrla leitað eftir einum øðrum manni.

Løgreglan heldur seg hava orsøk at halda, at tveir menn vóru í bilinum, sum varð funnin á sjónum leygardagin. Tí hevur í allan dag verið leitað eftir einum 20 ára gomlum manni, men uttan úrslit.

Myndir: Bjarki Thomsen. Klipt: Bjarnheðin í Hoyvík

 
Er kopiera
Nýggjastu sendingar í ÚV
Fríggjadag 4. apríl
Vikuskiftið 4 apríl 2025
190276
Fríggjadag 4. apríl
Breddin: Suðuroyartunnilin
190254
Fríggjadag 4. apríl
Morgunlestur fríggjadagur 4.apríl 2025
189979
Hósdag 3. apríl
RagnarRokk 3.apríl 2025
189927
Nýggjastu sendingar í SV
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243
Hósdag 3. apríl
Dagur og vika - teknmálstulkað
190208
Hósdag 3. apríl
Dagur og vika - teknmálstulkað
190180