Meira undirvísing í føroyskum

Klaksvíkar kommuna ætlar at orða ein útlendingapolitik. Størsta forðingin fyri góðari integratión eru vantandi møguleikar at læra málið.

Ynskið hjá nýføringum, sum Kringvarpið hevur tosað við, er í hvussu er meira málundirvísing, og at tey kunnu brúka sína útbúgving í Føroyum. Ein av teimum er Donabel á Kósini, úr Filipsoyggjunum, ið hevur búð í Klaksvík síðani 2003.

Tøl frá Hagstovuni vísa, at 104 fólk búgva í Norðoyggjum, sum eru fødd uttan fyri Norðurlond. Av teimum eru 43 úr Asia.

Fleiri pengar eru játtaðir til undirvísing í føroyskum í ár, og øllum stendur í boði 40 tímar um árið á kvøldskúla.