Vil hava gjaldið tikið av

Lánini í Vágatunlinum eru goldin, og í morgin yvirtekur landið tunnilin.

Jørgen Niclasen, formaður í Fólkaflokkinum, spyr nú løgmann, nær gjaldið at koyra í Vágatunlinum verður tikið av.

Henrik Old, landsstýrismaður í samferðslumálum, bar seg undan at gera viðmerkingar til málið í dag.

Sjónvarpið ætlaði a spyrja landsstýrismannin, hví hildið verður fram at krevja tunnilsgjald, sum rindar fyri rentur, avdrátt og viðlikahald, eftir at tunnilin er goldin og vorðin almen ogn.