Sum hundur á jólanátt

Hundurin hjá Karsteni Hansen fór fyri bakka á Kalsoynni fyri trimum mánaðum síðani.

Hóast tey leitaðu væl og leingi, funnu tey ikki hundin aftur, men jóladag var hann brádliga har - uttanfyri húsini í Mikladali. 

Spurningurin er so, um tað er einum hundi lív lagað, sum hevur livað í kulda, kava og stormi í tríggjar mánaðir? 

Í morgun vóru Karsten og konan hjá djóralækna við seyðahundinum Døgg.