Kirkjan ger sum hon vil

- Hvat kirkjan ger, má kirkjan um, og hon fær frælsi til at gera tað, sum hon vil.

Tað sigur Sonja Jógvansdóttir, løgtingskvinna, um avgerðina hjá Jógvani Fríðrikssyni, biskupi, at hinskynd, sum eru vígd borgarliga, skulu ikki fáa møguleika at verða signað í kirkjuni, verður hjúnabandslógin broytt.

Sonja Jógvansdóttir sigur, at tað, sum hevur týdning, er, at samkynd fáa nøkur borgarlig rættindi.

Hon stúrir ikki fyri, at avgerðin hjá biskupi kann hava við sær, at uppskotið um at broyta hjúnabandslógina fellur í tinginum.

Sonja Jógvansdóttir var gestur í Degi og Viku í kvøld.