Vøksturin skal eisini síggjast aftur í Suðuroynni

Aksel V. Johannesen, løgmaður, vísir aftur, at serligar skipanir verða settar í verk fyri Suðuroynna, men tað er ein avbjóðing, at oyggin er so fjarskotin, og at fólkatalið minkar so nógv.

Hann sigur, at vøksturin, sum hevur verið aðrastaðni í landinum, skal eisini síggjast aftur í Suðuroynni. 

Fíggingarleisturin fyri eldraøkið, sum ætlanin er at gera fyri Suðuroynna, skal eisini verða galdandi fyri aðrar kommunur, sigur løgmaður.

Aksel V. Johannesen var gestur í Degi og Viku í kvøld.