Barnaheimið: Støðan verri enn hildið

Edvard Heen, stjóri á Almannaverkinum, ásannar nú, at støðan á Barnaheiminum er verri enn upprunaliga hildið. 

– Vit hava ikki lurtað nóg væl, sigur hann. 

Støðan á Barnaheiminum hevur verið nógv umrødd seinastu vikurnar. Orsøkin er, at nógv starvsfólk hava sagt upp á Barnaheiminum.

Ein trivnaðarkanning, sum varð gjørd í mai-juni mánaði í fjør, vísir eisini, at fleiri starvsfólk halda arbeiðsumstøðurnar eru ringar. Eitt barn hevur eisini vent sær til Barnaumboðsmannin, tí barnið kendi seg ótrygt á Barnaheiminum.