Óskil á lønaravgreiðslu

Talan er um eitt mistak, sum hevur havt stórar meirútreiðslur við sær.

Orsøkin er ein sárbar lønarskipan hjá Strandferðsluni, sum Landsgrannskoðanin ávaraði um longu í 2013. Landsgrannskoðanin hevur í fleiri umførum gjørt vart við trupulleikan í sínum ársfrágreiðingunum. 

Í september 2019 gjørdist leiðslan á Strandferðsluni varug við, at manningin á Teistanum er vaktarsett munandi minni, enn tey skulu, við fullari løn. Manningin er eisini skrásett fyri 10.000 minustímar. 

Í dag eru tríggjar manningar umborð á Teistanum, men nú, leiðslan á Strandferðsluni er vorðin varug við mistakið, verður farið niður í tvær manningar.

Hetta hevur við sær, at nakrir av manningini hava fingið ætlanarskriv um uppsøgn, meðan aðrir verða fluttir í onnur størv.