Brúkar heimildina, um stýrið tekur undir við tí

Heimildin at leingja hjálparpakka 1, t.e. ískoytisskipanina í ALS, verður bara brúkt, um ALS-stýrið tekur undir við tí.

Tað gjørdi Helgi Abrahamsen, landsstýrismaður, greitt í tinginum í dag.

Undir orðaskiftinum vildu fleiri tingfólk hava at vita, um Helgi Abrahamsen tekur undir við sínum egna uppskoti.

Landsstýrismaðurin í vinnumálum segði, at hann var ikki so heitur fyri at leggja uppskotið fram, men fleiri samgongufólk vildu hava hann at gera tað.

Tingfólk, bæði samgongu og andstøðu, gjørdu viðmerkingar til røðuna hjá Helga Abrahamsen, og vildu hava hann at siga, um hann fer at brúka heimildina, sum hann hevur skotið upp at fáa.

Sí brot úr tinginum.