Onga heimild at kanna útlendsk skip

Útlendsk skip, sum liggja við føroyska kei, eru ikki at rokna sum føroyskt økið, og tí hava føroyskir myndugleikar onga heimild umborð.

Tað, sum myndugleikarnir kunnu gera, er at nokta manningum at koma í land.

Skal løgreglan hava fleiri heimildir á hesum øki, er tað ein politiskur spurningur, sigur Michael Boolsen, sum er fúti og formaður í farsóttarnevndini.

Tað liggja í løtuni trý útlendsk skip við kei í Runavík.

Tvey eru russisk, og eitt er skrásett í Bahamas, men siglur undir navninum Baltic Pearl.

Sambært havnaskrivstovuni er keiøkið Í Runavík avbyrgt og portrið er stongt. Bæði skipararnir og agenturin hjá skipunum í Føroyum hava fingið at vita, at eingin skal í land.

Í Kollafirði eru eisini trý útlendsk skip - eitt grønlendskt og tvey norsk skip.