Vilja útseta skúlabyrjanina

Eftir ætlan skulu børn aftur á skúlabonk í komandi viku.

Anna Dalsgaard, lærari, heldur tað ikki vera ráðiligt at koyra øll børnini í skúla, meðan koronusmittan enn ger um seg í samfelagnum.

Hans Jón Thomsen, skúlastjóri í Hoyvíkar skúla, heldur, at tað kann vera ótrygt at lata børnini fara aftur í skúla týsdagin, serliga um fleiri enn 100 børn skulu savnast á sama stað.

Hjalmar Hansen, stjóri í Undirvísingarstýrinum, sigur í stuttari viðmerking, at skúlabyrjanin og onnur mál verða umrødd á fundum í løtuni.

Undirvísingarstýrið gevur nærri boð til skúlaleiðslurnar ein av komandi døgunum.