Sundabáturin vann grannauppgerðina greitt

Sundabáturin og Páll Fangi hava kappast alt róðrarárið í 6-mannaførum við monnum. Sundamenn hava havt munin seinastu stevnurnar, og á Varmakeldu vunnu teir við eini bátslongd

Símun Christian Olsen

05.07.2021 - 11:33

Norðoyabátarnir, Páll Fangi og Sundabáturin, hava kappast hetta róðrarárið hjá 6-mannførunum við monnum.

Á Varmakeldu varð Sundabáturin greiður vinnari í grannauppgerðini ímóti bátinum úr Klaksvíkar Róðrarfelag. Munurin var ein góð bátslongd.

- Eg haldi, at tað er stuttligt at kappast ímóti teimum. Vit væntaðu, at teir vóru nokkso góðir, men teir hava tikið okkum á bóli, at teir eru somikið góðir. Stórt rós til teir, tí teir eru rættiliga undir, segði Bárður Rasmussen á Sundabátinum.

6-MANNAFAR, MENN

Nr	Bátanavn	Tíð	Stig	Gult	Reytt
1	Sundabáturin	04:50.30	7	0	0
2	Páll Fangi	04:52.43	6	0	0
3	Smyril	04:56.07	5	0	0
4	Gongurólvur	04:58.11	4	0	0
5	Hvessingur	04:58.14	3	0	0
6	Strálan	05:00.21	2	0	0
7	Hósvikingur	05:04.27	1	0	0
8	Fortuna	05:05.12	0	1	0
9	Romulus	05:08.30	0	0	0
10	Víkingur	99:99.99	0	0	1