Springaradrápið á landsstýrisborð

Bæði havbúnaðarfelagið, sum umfatar allar alifyritøkur í landinum, og Bakkafrost sjálvt hava í dag sent út tíðindaskriv, har tey fordøma springaradrápið í Skálafirði sunnudagin. Í báðum tíðindaskrivunum, sum eru skrivað á enskum, verður sagt, at ongar ognir hjá alivinnuni eru nýttar í drápinum, og at alivinnan fordømir drápið.

Springaradrápið verður nú eisini tikið upp politiskt í Føroyum. 

Í tíðindaskrivi á enskum ídag sigur Bárður Nielsen, løgmaður, at nú skal grindalógin endurskoðast, so at støðan kann takast til, um vit framvegis skulu veiða springarar. 

Bárður Nielsen var beinleiðis í Degi & Viku í kvøld.