Til heimsmeistarakapping í Japan

11.10.2021 - 20:24
ÍtrótturFimleikur
Til heimsmeistarakapping í Japan
Rani Allansson Dalsgarð fer í næstum til Japan, har hann skal umboða danska landsliðið í HM í amboðsfimleiki, sum ein av bert trimum. Hann miðjar ímóti topp-20 á gólvinum

Rani Allansson Dalsgarð er ein av bert trimum fimleikarum, sum er úttikin til danska landsliðið, sum skal kappast í heimsmeistarakappingini í Japan frá 18. til 24. oktober.

Camille Lund Rasmussen og Freja Lysell Petersen, báðar úr danska felagnum, KG66, eru tiknar út saman við føroyska fimleikaranum.

 - Tað kennist, sum eg eri klárur nú, og eg havi eisini verið til kappingar í seinastuni, og formurin er har, sigur Rani Allansson Dalsgarð.

Fyri kortum kappaðist stinni amboðsfimleikarin í sterkari kapping í Rumenia, og har endaði hann á 2. plássi. Mótstøðan verður enn sterkari í Japan, men Rani Allansson Dalsgarð miðjar kortini ímóti einum topp-20 úrsliti.

 - Mítt mál í seinastuni hevur verið at fáa ein karakter, sum er 14 ella hægri, og eg havi verið øgiliga nær við, sigur fimleikarin í Havnar Fimleikafelag.

 - Tað er mítt persónliga mál, og klárar tú hægri enn 14, so røkkur tað til topp-30, og klárar tú eitt eitt sindur uppum 14, so verður tú millum 20 teir bestu, sigur Rani Allansson Dalsgarð.

Fimleikarin hevur síðstu tvey árini lagt nógva orku í fimleikin. Hann hevur vant eini 25 tímar um vikuna, og hevur staðið seg væl í kappingum í Danmark og aðrastaðni. 

 

 
Er kopiera

Tak niður

Nýggjastu sendingar í ÚV
Hósdag 7. juli
Summarmorgun 070722
141932
Hósdag 7. juli
Morgunlestur hósdagur 7. juli 2022
141655
Mikudag 6. juli
Summarmorgun 060722
141897
Mikudag 6. juli
Morgunlestur mikudagur 6. juli 2022
141654
Týsdag 5. juli
Pápi mín og eg: Vanja og Victor
141841
Nýggjastu sendingar í SV
Mikudag 6. juli
Úr savninum: Urtagarðurin (1:8)
141924
Mánadag 4. juli
3-2
141831
Fríggjadag 1. juli
Jól í tónleikinum
141718
Mánadag 27. juni
Úr savninum: Urtagarðurin 10:10
141574