Craig Gordon: Tað kundi lætt farið hinvegin

12.10.2021 - 22:44
ÍtrótturFótbóltur
Craig Gordon: Tað kundi lætt farið hinvegin
Skotski málverjin rósti føroyska liðnum eftir dystin á Tórsvølli í kvøld. - Teir vóru væl skipaðir, men skapa eisini fleiri góðar málmøguleikar

Málverjin, Craig Gordon, var glaður eftir tepra 1-0 sigurin hjá skotum á Tórsvølli í kvøld.

 - Tað var trupult at bróta ígjøgnum - teir vardu sera væl - men tað eydnaðist til endans, segði Craig Gordon við Jógvan Skeel Nolsøe eftir dystin.

 - Tað var ein trupul dystur, og føroyska liðið spældi seg til nakrar góðar kjansir, og tað kundi farið hinvegin, segði málverjin úr skotska felagnum, Hearts.

Skotland hevur nú spælt seg í góða støðu í bólkinum, og eitt play-off pláss nærkast hjá Steve Clark og spælarunum. Skotar hava 17 stig, meðan Ísrael hava 13 á triðja plássi undan tveimum teimum síðstu dystunum, sum verða í november.

 - Sigurin hevur stóran týdning. Vit nærkast endanum á bólkaspælinum, og nú mugu vit fara til Moldova og vinna einaferð afturat, so vit tryggja okkum annað plássið, segði Craig Gordon.

Skotland hevur ikki spælt seg í eitt HM-endaspæl síðan 1998.

 

 
Er kopiera

Tak niður

Nýggjastu sendingar í ÚV
Mikudag 20. oktober
LEITISSTEIN 19.10.2021
130164
Mikudag 20. oktober
Nón 20. oktober 2021
130160
Mikudag 20. oktober
Góðan morgun Føroyar 20.10.2021
130137
Týsdag 19. oktober
Óhoyrt - Rapplegendur og slóðbrótarar
130115
Nýggjastu sendingar í SV
Týsdag 19. oktober
VIDEO: LFB byggir ein dronubil
130041
Mánadag 18. oktober
3-2
130065