Teitur M. Gestsson: havi ikki orð fyri, hvussu vónbrotin eg eri

 - Hetta var ræðuligt.

Tað segði Teitur Matras Gestsson eftir 1-0 tapi ímóti Skotlandi á Tórsvølli í kvøld.

 - Hetta er aðru ferð, hetta hendir. Danmark-dysturin var akkurát líka sum hetta, so eg havi ikki orð fyri, hvussu vónbrotin eg eri, segði føroyski málverjin.

Lyndon Dykes skeyt skotska málið í síðstu minuttunum, eftir innlegg úr høgru síðu. Ivi var um, hvørt framherjin hevði nýtt hondina til hjálpar, men eftir drúgva VAR-kanning varð málið viðurkent.

 - Eg ivaðist ikki í, at hann kom í hondina á honum, men tað hevur hann opinbart ikki gjørt, segði Teitur Matras Gestsson.

 - Frá mínum sjónarhorni sá tað gott nokk út sum hond.