Ovurfegnar Bjallur vunnu føroyameistaraheitið

09.05.2022 - 18:14
ÍtrótturFimleikur
Ovurfegnar Bjallur vunnu føroyameistaraheitið
Unglingaliðið við kvinnum hjá Havnar Fimleikafelag, Bjalla, vann um vikuskiftið FM í estetiskum fimleiki, eftir at hava verið næstbest í nógv ár

Bjalla, unglingaliðið hjá Havnar Fimleikafelag, vann sunnudagin føroyameistaraheitið í estetiskum fimleiki. 

Liðið úr HF hevur í nógv ár verið næstbest, meðan Rósan hjá Støkk sum oftast er farin avstað við gullinum. Í báðum steypakappingunum fyrr í ár, var Rósan eisini omaná.

Hesa ferð eydnaðist loksins hjá Bjallu, og bæði venjarar og íðkarar vóru ovurfegnir.

 - Tað kennist fantastiskt endiliga at vinna, sigur venjarin, Birita Ingadóttir. 

 - Tað ber ikki til at lýsa hetta. Hetta gevur okkum eitt stórt boost, og nú tíma vit heilt sikkurt at halda fram, tí tað, sum vit hava gjørt nú, riggar, sigur venjarin úr HF.

Eftir seinnu steypakappingina, har munurin á kappingarneytunum báðum ikki var stórur, hava kvinnurnar úr Bjallu gjørt neyðugu broytingarnar og vant hart, og tað gav úrslit í høllini á Hálsi um vikuskiftið.

Nú fer Bjalla at fyrireika seg til Challenge Cup-kappingina, sum verður í Finlandi í juni.

Klaksvíkingar væl nøgdir 

Klaksvíkar Fimleikafelag hevur í ár havt lið við í estetiskum fimleiki fyri fyrstu ferð. Aura, sum kappast hjá pinkum, vann bronsu í FM-kappingini um vikuskiftið.

 - Vit eru sera ernar, siga Jancy Kalsø og Fía Heinesen úr Klaksvíkar Fimleikafelag. 

 - Tað var málið, so vit hava tað, sum um vit hava vunnið gull.

Nú vóna tær, at virksemið hjá felagnum í estetiskum fimleiki fer av økjast næsta kappingarár.

 - Tað vóna vit. Tað er ein kampur at finna venjarar, men áhugin er ordiliga stórur hjá okkara núverandi venjara og ikki minst hjá íðkarunum, siga tær.


Pinkurnar hjá Klaksvíkar Fimleikafelag, Aura, á gólvinum til FM-kappingina


 
 
Er kopiera

Tak niður

Nýggjastu sendingar í ÚV
Mikudag 25. mai
Kvørnin: Trý føroysk stakløg
140145
Mikudag 25. mai
LEITISSTEIN 24.04.2022
140144
Mikudag 25. mai
Nón 25. mai 2022
140137
Mikudag 25. mai
Breddin - Fangi hjá Islamskum Stati
140117
Mikudag 25. mai
Góðan morgun Føroyar 25.05.22
140108
Nýggjastu sendingar í SV
Mánadag 23. mai
3-2
140037
Sunnudag 22. mai
Andaktin
139968
Sunnudag 22. mai
Guðstænasta í Elduvíkar kirkju
139969
Hósdag 19. mai
Sært tú meg 2:3
139885
Mánadag 16. mai
3-2
139731