Tindur: formaðurin smíðar bátarnar

13.06.2022 - 17:46
ÍtrótturKappróður
Tindur: formaðurin smíðar bátarnar
Rórðarfelagið Tindur úr Eysturkommunu hevur átta manningar við í kappróðrinum í ár. Forvitnisligt er, at formaðurin, John Høgnesen, hevur smíðað fleiri av bátunum róð verður í

Síðan róðrarfelagið, Tindur, varð stovnað í 2017, er áhugin fyri kappróðri í Eysturkommunu vaksin skjótt.

Tað byrjaði við tveimum manningum, men nú hevur felagið tilsamans átta manningar, um tú telur barnamanningarnar við.

 - Nú er áhugin eksploderaður, sigur formaðurin, John Høgnesen. 

 - Vit hava nóg fleiri manningar við vaksnum, enn vit hava havt fyrr.

Málið hjá Tindi er at rógva seg longur fram, staðfestir formaðurin.

 - Vit hava fingið ein venjara, og tað gongur nógv betur við rógvingini hjá okkum nú. Vit dugdu ikki ordiliga áðrenn, men nú er skil á, sigur John Høgnesen.

Formaðurin smíðar bátarnar

Felagið ynskti sær nýggjan bát í 2020, men fekk at vita, at tað kundi ikki lata seg gera fyrrenn í 2022 ella 23.

Tað lat formaðurin sær ikki lynda, og so var onki annað at gera, enn at smíða sjálvur.

 - Eg spurdi Sámal (Hansen, bátasmið, red.), um eg ikki kundi vera hjá honum, meðan hann bygdi ein bát, og síðan fór eg til hús at byggja ein bát, sigur John Høgnesen.

Fyrsti báturin hjá Jogn Høgnesen var Knúkur, og síðan er tveir komnir afturat, Geytin og Sjóherji.

 - Tað var ein avbjóðing at byrja við, men nú kennist tað lættari at byggja ein bát, sigur formaðurin í Tindi.


Formaðurin, John Høgnesen (t.v.), smíðar bátarnar hjá kappróðrarfelagnum, Tindi.
 
Er kopiera

Tak niður

Nýggjastu sendingar í ÚV
Leygardag 3. desember
Morgunlestur leygardagur 3. desember 2022
148597
Fríggjadag 2. desember
Vikuskiftið 2 des 2022
148888
Fríggjadag 2. desember
Øðrvísi á Gentuvesinum
148882
Fríggjadag 2. desember
Miðflokkurin í Tinginum
148869
Fríggjadag 2. desember
Góðan morgun Føroyar 02. desember 2022
148849
Nýggjastu sendingar í SV
Fríggjadag 2. desember
Javnaðarflokkurin í Andglettinum
148751
Fríggjadag 2. desember
Miðflokkurin í Tinginum
148852
Hósdag 1. desember
Fólkaflokkurin í Andglettinum
148527
Hósdag 1. desember
Val kring landið - Hov
148799