Samgongusamráðingar byrjaðar

-Tíðin er búgvin til at gera upp við blokkpolitikkin, og tí eiga vit at royna møguleikan at skipa samgongu við Sambandsflokkin, sigur Ruth Vang, sum samstundis sendir Tjóðveldi út á síðulinjuna.

Formaðurin í Tjóðveldi er bilsin av, at hansara flokkur ikki er við í samráðingunum. Samstarvið millum verandi andstøðu hevur verið gott, sigur Høgni Hoydal.

Seinnapartin og í kvøld hava Javnaðarflokkurin, Framsókn og Sambandsflokkurin sitið á fundi.

-Higartil hevur talan mest verið um yvirskipað prát, har flokkarnar skulu finna útav, hvar vit standa í mun til hvønn annan, sigur Aksel V. Johannesen, samráðingarleiðari.

Teir tríggir flokkarnir hittast aftur fyrrapartin í morgin.

Árni Gregersen, politiskur viðmerkjari, vitjaði í sjónvarpsstovuni.