Málið um sammøður loyst

Málið um sammøður loyst
Fólkakirkjan hevur nú fingið boð um, at sammøður sum rættarlig foreldur kunnu geva børnum sínum sítt eftirnavn sambært navnalógini.
23.12.2022 - 19:39

Á fyrsta arbeiðsdegi sum landsstýrismaður í lógar- og innlendismálum gav Bjarni Kárason Petersen leiðsluni í fólkakirkjuni boð um, at sammøður sum rættarlig foreldur kunnu geva børnum sínum sítt eftirnavn sambært navnalógini.

Landsstýrismaðurin tosaði fyrrapartin við Jógvan Fríðriksson, bisp, soleiðis at semja er um, hvussu kirkjubókaførandi myndugleikin skrásetir, tá ið mál um sammøður og eftirnøvn stinga seg upp.

1. januar í ár komu broytingarnar í lógini um foreldramyndugleika í gildi, sum góvu samkyndum foreldrum fleiri rættindi. Men enn eru samkynd foreldur ikki javnsett við hinskynd, tá tað umræður, hvussu barnið skal eita. Hvørki Jenis av Rana, sum var landsstýrismaður í uttanríkis- og mentamálarum ella Magnus Rasmussen, sum var landsstýrismaður í umhvørvis- og vinnumálum, avgreiddu málið. Men tað hevur Bjarni Kárason Petersen nú gjørt.

Jógvan Fríðriksson, bispur, vitjaði í sjónvarpsstovuni.

Sí innslag við Brynju og Carol Symphor Høj, móður og sammóður til Baraldur, sum greiddu frá síni støðu í Degi & Viku 22. august.

 

 
Er kopiera
Nýggjastu sendingar í ÚV
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Leygardag 14. november
TEMAPLÁTAN 40: 'Fahrenheit', Toto, 1986
215932
Nýggjastu sendingar í SV
Mánadag 16. november
Bygdarliv 4 – Eiði
216470
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214