Segði farvæl við sigri í Føroyum

Fróði Vitalis Hansen takkaði fyri seg við manér.

Føroyski MMA-íðkarin var leygarkvøldið í ringinum fyri seinastu ferð, og hann vann sín síðsta dyst frammanfyri fullsettu høllini á Hálsi.

 - Tað var fantastiskt at enda her heima frammanfyri familju og vinum, segði Fróði Vitalis Hansen.

Føroyingurin fekk annars ikki so góða byrjan ímóti mótstøðumanninum úr Luksemborg, Mourad 'buffer' Serrar. 

 - Hann kom sum eitt djór, púra svakur, greiðir Fróði Vitalis Hansen frá. Hann fótaði sær kortini aftur, og so gekk skjótt at avgera dystin.

Sjey dystir vóru á tiltakinum leygardagin og nú vóna Fróði Vitalis Hansen og fyrireikarin, Sigfríður á Plógv, at fleiri føroyingar fáa hug at royna seg í MMA.