VIDEO: Litrík Oyggjaleikasetan í Guernsey

Peter Hentze Niclasen bar Merkið og Líggjas Joensen føroyska vatni, og báðir gjørdu arbeiðið til lítar, tá Oyggjaleikirnir vórðu settir í Guernsey leygarkvøldið.

Umleið 2500 ítróttafólk úr 24 oyggjum tóku sær av formalitetunum, áðrenn tey marsjeraðu eftir vegnum fram við sjóvarmálanum í St. Peter Port, høvuðsstaðnum á kanaloynni.

Sera nógv fólk var møtt til hátíðarhaldið og lagið var gott á bæði áskoðarum og ítróttafólki. 

Í morgin byrja kappingarnar, og føroysku ítróttafólkini skulu millum annað royna seg í skjóting, borðtennis, triatlon og frælsum ítrótti.