Fløtt-beiggjarnir ónøgdir við bronsuna

Tórur og Jóhann Fløtt skutu seg til bronsuheiðursmerki í liðkappingini í skeet, men tað vóru teir ikki nøgdir við.

Serliga eldri beiggin, Tórur, iðraði seg um egið avrik. Hann skeyt væl undir vanligt stig, og tí fingu føroyingarnir ikki kappast um fremsta plássið, sum teir annars hava vunnið síðan 2013.

 - Um so fleiri kýr komu sendandi, hevði eg ikki rakt eina av teimum, segði Tórur Fløtt eftir kappingina. Hinvegin rósti hann beiggjanum, sum er við á Oyggjaleikum fyri fyrstu ferð. 

 - Hevði eg skotið líka væl sum hann, so høvdu vit helst kappast um fyrsta plássið.