Bronsu eftir stóran spenning

Føroysku skjúttarnir hava vunnið aðru bronsuna á fyrsta kappingardegi á Oyggjaleikum. 

Tað var ein ógvuliga spennandi liðkapping í trap, har tað sjálvt eftir síðsta skot var ivasamt hvør hevði vunnið. Føroyar vóru bara tvey skot frá gullinum. Isles of Man vann við 164, Sark fekk 163 og Føroyar, Guernsey og Menorka 162. Umdystur skuldi tí til at avgera, hvør á triðja plássi skuldi upp á sigurspallin eftir bronsuni. 

Skjúttarnir hjá Føroyum vóru væl nøgdir við avrikið. Hoyr teir greiða frá omanfyri. 

Fyrr í dag vunnu brøðurnir Tórur og Jóhann Fløtt bronsu í liðkappingini í skeet.