Staðfest: Føroyar fáa Oyggjaleikirnar í 2031

Føroyar verða vertir fyri Oyggjaleikunum í 2031.

Tað hevur Ítróttasamband Føroya fingið á vita á aðalfundi hjá altjóða Oyggjaleikasambandinum fyrrapartin.

Elin Heðinsdóttir Joensen fegnast um, at tað endiliga er staðfest, at Oyggjaleikirnir koma aftur til Føroya heili 42 ár eftir, at triðju leikirnir vóru í Føroyum.

 - Tað er mega gott, sigur hon.

 - Vit hava bíðað eftir hesum so longi. Vit satsaðu upp á 2029, men so kom korona, so at endaliga hava fingið tað staðfest er fantastiskt.