Teis gjørdist søguligur

Teis Horn Rasmussen spældi ein serstakan dyst ímóti Slovenia hósdagin.

Sterka strikan skeyt fyrsta føroyska málið, tá hann javnaði til 1-1, og gjørdist sostatt fyrsti føroyski málskjúttin í einum endaspæli fyri vaksin.

 - At tað var fyrsta málið, tað hugsaði eg ikki so nógv um. Tað verður kanska um eina tíð, segði strikuspælarin, sum skeyt trý av teimum 29 málunum, sum Førpoyar fingu, ímóti teimum 32 hjá slovenum.

Verri var, at Teis Horn Rasmussen fekk tvær útvísingar tað fyrsta korterið.

 - Tær vóru nokkso býttar og dýrar ta løtuni, men eg veit ikki, um tær ávirkaðu. Eg veit, at um eg fái nummar trý, eru tað onnur fólk, sum koma inn og taka yvir, segði strikuspælarin.