Nýggjar gøtur í Tjørnuvík kunnu skjótt fara í brimi

Fyri sættu ferð skipar Visit Faroe Islands fyri tiltakinum 'Closed for Maintenance'. Eitt av teimum átta støðum um landið, har útlendingar eru komnir higar at arbeiða, er í Tjørnuvík.

Teir gera tríggjar nýggjar gøtur oman á sandin.

Vandi er tó fyri, at gøturnar ikki hava so drúgva livitíð. 

- Tær halda ikki longur enn til næsta stormin, sigur Dávur Emil Hansen, arbeiðsmaður í Sunda Kommunu.

Ivasamt um tað gagnar umhvørvinum

80 útlendingar úr nógvum ymiskum londum eru sjálvbodnir komnir higar at arbeiða, umframt at okkurt um 50 føroyingar eisini eru við. 

Útlendingarnir í Tjørnuvík eru glaðir fyri at fáa møguleikan at vera við, men ein av teimum setir tó spurning við, um tað er rætt umhvørvisliga at broyta sandin.

- Júst hesa verkætlanin havi eg eitt sindur av ótta um. Eg eri ikki vísur í, um hetta gagnar umhvørvinum. Kanska gagnar tað samfelagnum, men eg veit ikki, um tað gagnar umhvørvinum, tí tað sær út til, at vit broyta sandin. Vit mugu síggja, hvussu leingi tað heldur, sigur Stuart Butler, franskur eingilsmaður.

Norskur sandur verður nýttur til gøturnar.