Floksfelagi: Jógvan Sundstein var ótroyttiligur

Hann gjørdist tingmaður fyri Fólkaflokkin í 1970.

Hann var løgtingsformaður frá 1980 til 1984.

Hann var løgmaður frá 1989 til 1991.

Og hann verður lýstur sum ein tolin og ótroyttiligur politikari.

Tíðin í landsstýrinum, fyrst sum løgmaður frá 1989 til 1991 og síðani sum landsstýrismaður í fíggjarmálum frá 1991 til 1993, var helst tann strævnasta.

Jógvan Sundstein var landspolitikari í 24 ár til hann fór úr politikki í 1994. Seinastu gott 20 árini hava Jógvan Sundstein og konan, Lydia, búð í Holbæk í Danmark. Tey fingu trý børn, Hans Paula, Ruth og Eivind. Jógvan Sundstein var statgóðkendur grannskoðari.