Heidi Sevdal: Vit vaskaðu tapini av okkum

Heidi Sevdal var troytt av at tapa ímóti Montenegro. 

Tvær ferðir í 2023 og eina ferð í ár eru føroysku fótbóltskvinnurnar farnar av vølli aftir ósigur fyri landinum av Balkan, og tí var tað eitt toppmotiverað føroyskt lið, sum fór á Tórsvøll til síðsta heimadystin í hesi kappingini ímóti júst Montenegro.

 - Vit taptu øgiliga tepurt á heimavølli, og so vórðu vit avhølvaðar á útivølli, so at vinna á teimum í dag, var ekstremt gott fyri okkum fyri at reinsa tað av okkum aftur, segði royndi framherjin.

Tað var Heidi Sevdal, sum legði Føroyar framum, tá 19 minuttir vóru spældir, við einum vøkrum skoti í handara málhorn frá brotsteigarmarkinum. Montenegro javnaði tríggjar minuttir seinni, áðrenn Jensa Tórálvsdóttir avgjørdi dystin við langskoti.

Føroyar hevur nú seks stig, áðrenn seinast dystin í hesi EM-undankappingini ímóti stigaleysa Andorra, sum tekur ímóti í Pyrineafjøllunum týsdagin.

 - Vit vunnu tær á heimavølli, og vit eru spentar til tann dystin eisini.

So tit vilja enda væl?

 - Ja, absolutt, staðfesti Heidi Sevdal.