Liðskiparin: Teir brúka hondina

Føroyski liðskiparin, Viljormur Davidsen, var ógvuliga vónsvikin eftir 1-0 tapið fyri Lettlandi í Nations League.

Hann fanst hvassliga at dómaranum í samband við málið, sum lettar fingu, tá 64 minuttir vóru spældir.

 - Úr mínum vinkli sær tað út til, at hann fær stóran fyrimun, tí hann brúkar hondina, segði Viljormur Davidsen.

 - Hann tekur hann við faktiskt, spælir upp á tvørs og so skora teir, so tað er ótrúliga keðiligt.

Tað var Vladislavs Gutkovskis, sum í nærdysti við Andrias Edmundsson hevði hondina á bóltinum, og fekk lagt hann yvirum til málskjúttan, Renars Varslavans. 

Liðskiparin á vinstra bakki tosaði við dómaran eftir málið, og eftir myndunum at døma helt hann lítið um frágreiðingina frá Duje Strukan.

 - Hann sigur, at tað er ikki fyrimunur, tá hann brúkar hondina. Hann segði, at hendingin var tilvildarlig. Eg eri ótrúliga skuffaður, at hann ikki dømur tað, tí øll síggja, at hann brúkar hondina. Tað er ein kempifyrimunur, tí annars fekk hann ikki bóltin við sær, segði Viljormur Davidsen.