Vitlíki í leysum lofti

Martin Mohr Olsen og Tróndur Hentze Sørensen hava gjørt eina poddvarprøð, sum eitur Vitlíki, har teir tosa um vitlíki í Føroyum, tí teir halda at har er ov lítil vitan um vitlíki í Frøoyum bæði politiskt men eisini millum fólk annars.Teir vísa á, at sum nú er, hevur ongin ábyrgd av vitlíki í Føroyum, tí tað kemur ikki undir nakað málsøki. Fleiri almennir stovnar eru samdir í at vitlíki skal leggjast fram sum eitt serstakt málsøkið og 24. september í ár sendu Talgildu Føroyar saman við Almannaverkinum, Kommunufelagnum, Vinnuhúsinum, Fróðskaparsetrinum, Undirvísingarstýrinum, Sjúkrahúsverkinum, TAKS og Gjaldstovuni eina áheitan til Føroya landsstýrið, har tey heittu á politisku skipanina at taka støðu til hetta. Nicolai Mohr Balle, stjóri í Talgildu Føroyum, heldur at politiska skipanin skal taka støðu til vitlíki so skjótt sum til ber.