Smíða nýggjan Havnarbát

Um mánaðarskiftið skal nýggi Havnarbáturin vera liðugur. 

Tað sigur bátasmiðurin Sámal Hansen, sum í hesum døgum leggur síðstu hond á níggja tíggjumannafarið hjá Havnar Róðrarfelag.

 - Tíggjumannafarið er flaggskipið hjá teimum flestu, og áhugin er stórur. Tí halda fólk kanska, at tíggjumannafarið er nakað serligt at byggja, men eg hugsi ikki, at tað er øðrvísi enn at byggja minni bátar, sigur Sámal Hansen.

Tað tekur kortini eitt sindur longri tíð. 250 tímar ímóti 200 til teir minnu bátarnar. Smiðurin, sum hevur smíða bátar í nærum 30 ár, leggur seg eftir at smíða teir so eins og gjørligt. 

Honum dámar væl, tá onkur nýggjur bátur vinnur í kappróðri.

 - Feløgini keypa nýggjan bát, og tað er eitt sindur spell, um bátarnir ikki klára seg væl. Bátarnir fáa ofta skyldina, um teir ikki vinna. Nú kennir mann tað frá sær sjálvum, mann hevur róð kapp, at tað var sjáldan galið við manningini. Tað var sum regul okkurt annað, sum var galið, smílist Sámal Hansen.

Hesin Havnarbáturin er hin triði, sum Sámal Hansen hevur smíða, og málið hjá manningini er fyrsta føroyameistaraheitið síðan 2008.

SÍ EISINI: Stevna ímóti føroyameistaraheitinum