Estetiskur fimleikur: Munurin hjá kvinnunum tódnaður

Vinnarin var hin sami, sum seinast, men munurin ímillum Lyru á fyrsta plássið og Miru á øðrum plássi er tódnaður nakað.

Kvinnurnar úr Ljósinum fingu 23,42 stig, meðan tær úr Havnar Fimleikafelag fingu 23,00, nú onnur steypakappingin í estetiskum fimleiki var í Klaksvík um vikuskiftið.

Í ár eru tríggjar steypakappingar í mun til tær tvær, sum hava verið undanfarin ár, og tí ber framvegis til hjá Miru at yvirhála Lyru, sum kortini má metast sum stórfavorittur.

Um ein mánað er 3. steypakappingin á skránni í Bylgjuni í Runavík, men áðrenn tað, skulu bæði kvinnuliðini til útlendskar kappingar.