Løgmaður: Vit arbeiða við nýskipanum

Fyri einum ári síðan skrivaðu fýra almennir stovnsleiðarar til landsstýrið, at tørvur er á nýskipanum fyri at betra um haldførið í føroyska búskapinum.

Men løgmaður vissar fyri, at áheitanin frá stovnsleiðarunum er tikin í álvara.

- Arbeitt verður longu við nýskipanum at betra um haldførið, og millum annað verður arbeitt við einari nýskipanardeild, sum skal gera almanna geira meira skynsaman fíggjarliga, sigur Aksel V. Johannesen, løgmaður.

Í síðstu viku segði Leif Abrahamsen, stjóri á Gjaldsstovuni, at støðan við føroyska búskapinum er álvarsom, og at tað minnir um tíðina beint undan fíggjarkreppuni fyrst í nítiárunum, men hesum er løgmaður ikki samdur við honum í.