Regnið órógvar fyrireikingarnar hjá fótbóltslandsliðnum

Nógva regnið í Podgorica órógvar fyrireikingarnar hjá føroyska manslandsliðnum í fótbólti.

Vanligt er, at liðini venja á dystarvøllinum dagin fyri sjálvan dystin, men UEFA hevur noktað fyri hesum og sigur, at vøllurin skal sparast til í annaðkvøld, tá Føroyar og Montenegro bresta saman fyri fyrstu ferð.

 - Vit rokna við, at tað fer at vera eitt sindur vátt, og at vøllurin fer at vera eitt sindur bleytur, sigur landsliðsvenjarin, Eyðun Klakstein.

 - Tað keðiliga er , at vit ikki sleppa at royna vøllin í kvøld, sum vit vanliga gera. UEFA heldur, at vøllurin skal sparast, so hann er í betri standi til í annaðkvøld, so vit eru spentir at síggja, hvussu standurin er.

Eyðun Klakstein sigur, at hann fer at gera onkustaðni ímillum eina og fýra broytingar í mun til liðið, sum byrjaði inni ímóti Kekkia, men hann vil ikki avdúka, júst hørjar tær broytingarnar vera.