Nýggj smoltstøð í Skálavík

Nýggja smoltstøðin, sum eftir ætlan skal standa klár í seinnu helvt av 2026, verður staðsett í Skálavík.

Talan er um eitt stórt anlegg, har samlaða støddin á smoltstøðini fer at vera áleið 28.600 rúmmetrar.  

Høvuðsendamálið við verkætlanini er at ala laksin longri á landi, so vakstrartíðin í sjónum verður stytt. Hetta skal gera framleiðsluna meira effektiva og tryggja, at smoltið er størri og sterkari, tá tað verður sett út í havið.