Klaksvíkingur svaraði aftur

Havnarbáturin tók øll á bóli, tá nýggja 10-mannafarið hjá Havnar Róðrarfelag vann á norðoyastevnu fyri tveimum vikum síðan.

Føroyameistararnir á Klaksvíkingi máttu viðganga, at góði róðurin hjá havnarmonnum kom óvart á, men lovaðu samstundis, at svara aftur á sundalagsstevnu.

Tað lyftið livdi Klaksvíkingur eisini upp til í Hvalvík, har hvørki Havnarbáturin ella Norðingur megnaði at fylgja við.

Føroyameistarabáturin vann róðurin við tíðini 4:34.02, Havnarbáturin endaði á øðrum plássi við 4:36.18, meðan Norðingur mátti taka til takkar við bronsuni annan róðurin á rað við tíðini 4:38.07.

 - Vit høvdu roknað við at vunni, staðfesti Jógvan Højgaard á Klaksvíkingi. 

 - Tað kendist gott. Mann hevði eitt mentalt yvirskot allan vegin, tí mann visti, at mann var frammanfyri.