Klaksvíkingur aftur skjótastur

Klaksvíkingur var aftur skjótastur, tá 10-mannaførini kappaðust á jóansøku í triðja føroyameistararóðrinum í summar.

Føroyameistararnir úr Klaksvíkar Róðrarfelag róðu sannførandi og høvdu tamarhald og Havnarbátinum og Norðingi, sum máttu taka til takkar við at kappast um silvurið.

Tað var Havnarbáturin, sum fekk 2. plássið, meðan Norðingur kom síðstur á mál, men fylgdi betur við hinum báðum enn á undanfarnu róðrunum. 

 - Vit royna altíð at koma framum beinanvegin, men teir hingu væl í í byrjanini, men so komu vit framum, so tað riggaði, segði Tóra S. Hansen á Klakvíkingi.

(Mynd: Jan Herman Hansen/RSF)