Fleiri avmarkingar til ferðafólk

Útlendsk ferðafólk skulu í framtíðini ikki sjálvi sleppa at koyra til Tjørnuvíkar, Gjáar og Saksurnar, men heldur koyrast við bussum til hesar smábygdir.

Tað heldur Jóhan Christiansen, landsstýrismaður í samferðslumálum, sum fær fulla undirtøku frá borgarstjóranum í Sunda kommunu. 

- Eg hevði ein goðan fund við landsstýrsmannin fyrsti i juli, har vit viðgjørdi hesi viðurskiftini. Eg siggi fyri mær, at vit koma at finna loysnir saman, sigur Eyðstein Zachariasen. 

Sunda kommuna hevur áður roynt at betra um viðurskiftini við ferðsluljósum og shuttle bussum, men tað hevur ikki gjørt so stóran mun, ásannar borgarstjórin. 

Tá var talan um eitt tilboð til ferðafólk, heldur enn eitt krav - tískil riggaði tað ikki eftir ætlan, sigur Eyðstein Zachariasen. 

Jóhan Christiansen, landsstýrismaður í samferðslumálum, var gestur í sjónvarpsstovuni.