Martin aftur avgerandi: Sjúkliga skeg!

 - Hatta var vilt. Tað má eg siga. Hatta var sjúkliga skeg.

Tað segði Martin Agnarsson, sum enn einaferð avgjørdi ein landsdyst fyri Føroyar. Seinast var tað ímóti Gibraltar, og hesa ferð skoraði hann í søguligum sigri á Kekkia, sum máttu nakkalangir av Tórsvølli.

Hanus Sørensen skeyt Føroyar framum miðskeiðis í seinna hálvleiki, men kekkar javnaðu 12 minuttir fyri leiklok, áðrenn innskifti Martin Agnarsson aftur gjørdi bart.

 - Eg hevði ikki ordiliga væntað, at bólturin fór at koma har, men stuttligt og ein fantastisk kensla, segði málskjúttin.