Nærkast 100: Jóan Símun Edmundsson síðan 2009

Fyri 16 árum síðan, var ein unglingi, sum júst var fyltur 18, sendur á vøllin tíðliga í einum dysti ímóti Fraklandi, tí Christian Lamhauge Holst hevur fingið ein snudd.

96 landsdystir seinni, var ein síðhærdur veteranur sendur á vøllin í Gibraltar í eini roynd at seta gongd í føroyska álopsspælið. Samstundis tók Jóan Símun Edmundsson metið fyri mest dystir á føroyska manslandsliðnum frá bygdamanninum, Fróða Benjaminsen.

 - Summi plaga at siga við meg, at eg havi hildið meg nokkso ungan og kanska ikki eri broyttur so nógv, men eg síggi, at har er nokkso nógv broytt ígjøgnum - hvat er hetta -16 ár síðan, spyr Jóan Símun Edmundsson.

Eitt sum ikki er broytt, er at Jóan Símun Edmundsson eigur eitt av plássunum, tá føroyski landsliðshópurin skal mannast. Føroyar eiga snøgt sagt ongan, sum spælir á sama hátt sum toftamaðurin við teknikki og yvirliti í kroystum støðum.

Her tosar Jóan Símun Edmundsson um sínar minniligastu landsdystir.