- Tíðindi, mentan og ítróttur
Fimleikafagnaður: Hansina royndi flogið
Seytjan ára gamla Hansina Nesá fekk av álvara roynt flogið um vikuskiftið.
Hon stóð nevniliga á odda fyri teimum umleið 85 íðkarunum, sum vóru á gólvinum fyri fimleikafelagið Flog til fimleikafagnaðin í Norðurlandahúsinum um vikuskiftið.
- Tá fagnaðurin ar seinast - í 2023 - tá var eg við til at samskipa og gera nakrar seriur, og so vildi eg gjarna prøva at gera ein fagna sjálv, tí eg dámdi tað so væl, sigur Hansina Nesá.
Sum sagt, so gjørt. Í ár hevur hon gjørt allar seriurnar sjálv við, og hevur gingið á odda við øllum tí, sum annars krevst fyri at fáa eina slíka framsýning upp at standa, og tað er ikki hissini. Tíbetur hevur hon havt mestsum alla familjuna at hjálpa sær við øllum frá búnum til pallljós.
Harumframt hava Kjartan Gaard Sleire og Remi Christensen hjálpt til við venjingunum hjá teimum mongu fimleikarunum, sum skuldu á pallin.
- Okkara leiklutir hava verið sum samskiparar og venjarar, men fyri tað mesta hava vit staðið aftanfyri Hansinu, sum hevur tikið høvuðsleiklutin á seg og hevur útviklað meginpartin av seriunum hjá okkum. So vit hava roynt at gingið henni til handa, og so eru vit eisini aktivir íðkarar eisini, greiðir Kjartan Gaard Sleire frá.
Flog hevð eins og hini trý feløgini, sum vóru við, Støkk, Ljósið og Klaksvíkar Fimleikafelag, tríggjar framsýningar farna vikuskiftið. Støkk vann fimleikafagnaðin hesa ferð.
