Samandráttur: Tepurt tap fyri slovenum sendi Føroyar út úr EM

Føroyska manslandsliðið gavst ongantíð at stríðast, men mátti sanna, at Slovenia var betra liðið í Unity-leikhøllini í Oslo.

Tepra 30-27 tapið merkti, at dreymurin um EM-miðumfar ímóti millum annað Íslandi og Svøríki í Malmø brast, men spælarar og tey túsundtals viðhaldsfólkini úr Føroyum takkaðu hvørjum øðrum fyri avrikið og lovaðu at síggjast aftur eina aðru ferð.

Montenegro, sum næstan eins væl kundi latið vera við at møtt upp ímóti Sveis, ið vann við 17, munnu hvørki spælarar ella viðhaldsfólk hava hug at síggja aftur í bræði.

Nú hyggja føroyingarnir fram ímóti HM-endaspælinum um eitt ár. 3. plássið í EM-bólkaspælinum merkir, at Føroyar verða í ovara styrkisbólkinum til lutakastið til playoff-dystirnar í mai, og øll segl verða ivaleyst sett fyri at røkka kappingini um heimsmeistaraheitið.

Føroyar - Slovenia, 30-27 (16-15)

Føroysku málskjúttarnir: Elias Ellefsen á Skipagøtu 9, Óli Mittún 7, Hákun West av Teigum 4, Leivur Mortensen 2, Vilhelm Poulsen 2, Teis Horn Rasmussen 2, Allan Norðberg 1