FOYTT VAL: Tobbi liggur við "landstreymi" á Landssjúkrahúsinum

Borgarstjórin í Runavík, Tórbjørn Jacobsen, hevur sæð betri dagar. Tobbi endaði nevniliga á Landssjúkrahúsinum eftir at hann hevði hildið Grækarismessurøðu í Havn sunnudagin. 

"Hetta byrjaði fyri einari viku síðani við eitt sindur av pínu í høgra arminum, og nú er armurin steindeyður," greiddi Tórbjørn Jacobsen frá, tá Foytt val vitjaði hann á Landssjúkrahúsinum.

"Tað er onkur infektión, ið hevur tikið valdið á arminum. Eg havi øgiliga pínu í høgru hondini, ið er dupult so stór sum hin."

Foytt val, Tobbi

Plan B

Tobbi lá við droppi, ella landstreymi, sum Kári Sólstein tók til. 

"Tað, ið teir hava roynt at spræna inn í meg, hevur ikki riggað, so nú eru teir farnir í holt við eina plan B.

Hóast støðan ikki var nakað serlig, so var lagið tó gott á fyrrverandi lands- og løgtingsmanninum av Glyvrum.

Tórbjørn Jacobsen, Tobbi, Foytt val