- Tíðindi, mentan og ítróttur
Lítla valið í Føroyum kann fáa stóra ávirkan á valdið í Danmark
Lítla valið í Føroyum kann fáa stóra ávirkan á valdið í Danmark
Hóast fólkatingsvalið í morgin, týsdagin, druknar í løgtingsvalinum hósdagin, so kann tað lítla valið í Føroyum fáa stóra ávirkan í Danmark, sigur Karoline Englund frá DR
Thomas Koba
Karoline Englund frá DR til arbeiðis á Glasir í sambandi við forfólkaumfarið og sjarmuoffensivin hjá flokkunum
23.03.2026 - 23:00
Danskir fjølmiðlar plagdu at senda nógv fólk til Føroya, tá fólkatingsval nærkaðist.
Men í ár er Karoline Engelund einsamøll tíðindakvinna hjá danska kringvarpinum.
Við sær hevur hon blokk, mikrofon og telefon.
Mynd: Thomas Koba
Kann gerast avgerandi
Karoline Englund hevur seinastu vikuna skrivað Morgenposten úr Føroyum á heimasíðu Danmarks Radio.
Harumframt hevur hon sagt frá beinleiðis úr Føroyum í bæði sjónvarpi og útvarpi.
"Hóast fólkatingsvalið her í Føroyum druknar í løtingsvalinum, so verður tað hugt nógv til Føroya úr Danmark," greiðir Karoline Englund frá.
"Tað stendur púra á jøvnum millum vinstra og høgra, bláa og reyða blokkin, í donskum politikki. Tískil kann tað gerast rættiliga avgerandi fyri, hvør fær valdið í Danmark, hvørji umborð føroyingar og grønlendingar velja á Fólkating."
Mynd: Thomas Koba
Er kopiera
Nýggjastu sendingar í ÚV
Nýggjastu sendingar í SV
