Hantavirus smittar millum fólk

Ferðamannaskipið Hondius út fyri Cap Verde oyggjunum, har tað hevur ligið í fleiri dagar. Nú skal skipið vera á veg til Kanarisku Oyggjarnar.

Orsøkin er hantavirus, sum hevur smittað átta fólk umborð og av hesum eru trý fólk deyð. Skipið var á veg til fleiri smáar óbygdar oyggjar í Suðuratlantshavi á veg til Suðurpólin. Skipið fór úr Argentina 1. apríl, men so gjørdust fólk sjúk - og tíggju dagar seinni doyði fyrsta ferðafólkið.

Nú eru tey sjúku flutt av skipinum og her fara tey við flogfari avstað til sjúkrahús í Hollandi, har tey fáa viðgerð.

Í Argentina hava tey kanna hantavirus nærri og staðfest eitt serlig slag av hantavirus, sum hevur fingið navnið Andes-frábrigdið - og tað vísir seg at smitta millum fólk.

Heimsheilsustovnurin, WHO, sigur, at Argentina er tað landið í heiminum, sum er mest fongt við hantavirus. Alt meira óstøðugt veður við longum tíðarskeiðum við skerpingi og síðan glopraregni er ein høvuðsorsøk,  tí millum annað rottur mugu leita sær nýggj støð at finna sær føði og soleiði spjaða smittuna.

Síðan juni mánað í fjør eru dupult so nógv vorðin sjúk í Argentina av hantavirus og 1/3 av teimum smittaðu eru deyð.

Tað er helst her í býnum Ushuaia, at tey ferðandi umborð á Hondius eru vorðin smittaði. Tey høvdu verið og hugt eftir fuglum, og helst er tað har smittan hevur rakt tey. Og tey hava so smittað onnur umborð.