Jarnbrúdleyp á Ellisheiminum

Álit og kærleiki er neyðugur fyri at liva í góðum og longum hjúnalagi, eru ráðini hjá Niclasi og Annu.

Niclas Akraberg Poulsen er ættaður úr Akrabergi og Anna Poulsen (Sundberg) úr Porkeri. Tey eru 92 og 91 ára gomul og uppvaksin i Suðuroy, men hava búð norðanfyri øll árini, tá Niclas arbeiddi sum løgreglumaður og politiinspektørur.

Fyri aldarskifti fluttu tey til Porkeris, men fyri nøkrum árum síðani fluttu tey aftur til Havnar fyri at vera nærri børnunum á ellisárum.

Anna fór fyrst ellisheim og um Niclas skuldi fylgja við, hevði ein eina treyt. Hann vildi á sama heim.

Tey møttust fyri fyrstu ferð á ungum árum og sjálvur brúdleypsdagurin í 1956 var minnisríkur bæði so og so.