Vónbrotin og vónrík á Ræst

Í gjár gjørdist greitt, at Matstovan PAZ hjá Poul Andriasi Ziska varðveitir báðar michelinstjørnurnar, sum matstovan fekk í fjør.

Tey á RÆST hava í eina tíð roynt eftir michelinstjørnu. Tað eydnaðist ikki hesaferð. Tað gjørdi tað tó enn einaferð hjá matstovuni PAZ.

Royna eftir michelinstjørni hjá RÆST
-Sjálvandi eri eg eitt sindur vónbrotin, sigur meksikanski høvuðskokkurin á RÆST, Sebastian Jiménez. Sumt skilir ein ikki, men soleiðis er lívið, og onkuntíð gongur tað ikki so lættliga, sum tú hevði viljað.

Ein Michelinstjørna krevur miðvíst og hart arbeiði, og so okkurt eyka. Okkurt heilt serligt, og tað manglar so ikki á Ræst heldur kokkurin Sebastian.

-Vit royna at gera nakað heilt serstakt her hjá Ræst, sigur Sebastian Jiménez. Vit eru í einum av heimsins vakrastu og serstakastu, so vit arbeiða fyri at fáa eina michelinstjørnu. Men vit arbeiða eisini hart fyri okkum sjálv, fyri hesa, men vit arbeiða eisini hart fyri okkum sjálv.

Og hóast tey eru eitt sindur vónbrotin í dag, so eru tey framvegis til dystin fús og vónrík.

Ein omanfyri allar

Einasti høvuðskokkur í Føroyum nakrantíð við Michelin stjørnu, er Poul Andrias Ziska. Jógvan Jákupsson var ein túr á PAZ, har hann fekk eitt prát við eigaran og høvuðskokkin á Føroya fremstu matstovu.