Klædnaatstøði viðurkent

Næmingarnir á klædnaatstøði á Glasir hava klipt, strokið og seymað hóast framtíðin hjá teimum í yrkinum ikki hevur verið snórabein. 
Men nú er staðfest, at hevur tú prógv frá Glasi, so verða eitt ár og tveir mánaðir kliptir av lestrartíðini til klædnaHANDVERKARA. Og okkurt bendir á, at eldhugurin hjá næmingunum á klædnaatstøði er lagdur til merkis, tí nú ætlar Mentamálaráðið at seta útbúgving til klædnaHANDVERKARA á stovn, sum føroyska yrkisútbúgving við skúlagongd í Danmark. 
Klædnaatstøði hevur annars hingið í leysum lofti seinasta árið. Fyrst ætlaði táverandi landsstýrismaðurin í Mentamálum, Djóni Nolsøe Joensen, at taka útbúgvingina av og síðan kom tað fram, at útbúgvingin gav ikki atgongd til víðari lesnað. 
Men nú tykjast forðingarnar at vera sópaðar av borðinum.